Nýlega fengum við fyrstu HEK MC 450 turnlyftuna til Íslands, en þetta er fyrsta MC 450 lyftan sem afhent er í Evrópu. Aðeins örfáum dögum eftir að hún kom til landsins vorum við búnir að setja hana upp við Urðarhvarf í Kópavogi, þar sem hún er notuð við steinun og frágang á ytra byrði nýbyggingar.
Eins og lyftan er sett upp í dag, þá ber hún 3450 kg af efni auk fjögurra starfsmanna. Það gerði múrurunum kleift að taka 3 tonn af efni með sér upp við steinunina, sem sparar mikinn tíma við flutning á efni og bindur ekki önnur tæki, s.s. krana, við vinnu við efnisflutninga. Lyftan er sett upp í 27 m hæð og er 20,4 m á breidd. Seinna í þessu sama verki verður þessi lyfta tekin í sundur og notuð sem tvær „single“ einingar sem geta þá unnið á sitthvorum veggnum á sama tíma.
